Os amuletos con ollos de Horus eran moi populares no Antigo Exipto. Horus, o Deus Halcón, recibíu de mans de Ra un ollo artificial tras haber perdido un dos seus nunha dura batalla contra Seth. Este ollo artificial tiña propiedades sanadoras e máxicas de ahí que se convirtira nun talismán usado polos exipcios como colgante pra protexerse de enfermidades, das envidias e do mal de ollo. Axudaba tamén o seu portador ó paso o Máis Alá.

Este Ollo de Horus, datado na Baixa Época (664-525 aC) está  feito de faienza, unha cerámica usual na época realizada a partir de area fundida. O seu estado de conservación é excelente. Foi adquirido a un prestixioso anticuario e provén dunha colección particular. Adxúntase un certificado emitido polo anticuario que acredita a autenticidade da peza .

Nos nosos talleres, realizámoslle a man un engarce de oro de 18k cunha esmeralda auténtica que o realza e protexe, devolvendo 2500 anos despois á función para que foi creado. Unimos así o noso traballo co do artesán que o fabricou naquel tempo remoto.

Características:

Amuleto: feito en faienza entre os anos 664 a 525 antes de Cristo (Baixa Época). Medidas: 15 x 15 mm
Montura: feita a man na actualidad en ouro de 18 K con esmeralda talla cabuxón. Medidas montura: 25 x 18 mm

Diámetro da esmeralda: 2,5 mm.

O cordón de coiro con remates e peche de ouro pode adquirirse por separado (dispoñible en negro, marrón e burdeos): cordón de coiro

Queda igualmente moi ben cunha cadea: cadea de ouro

Poseer unha antigüidade, un obxeto que forma parte da Historia, produce unha sensación especial: preguntámonos a quen pertencería, cómo serían os tempos nos que viviu o seu primeiro dono, cómo sería a súa vida…

As pezas desta colección, na que montamos artesanalmente obxetos antigos, son exclusivas, xa que non hai duas iguais.

Ademais de pola súa beleza e contido histórico, tanto o obxeto antigo como o ouro revalorizaránse co paso do tempo, pero sobre todo, esta xoia formará parte da túa propia historia pra sempre.

Sobre as antigüidades: Para garantir a absoluta autenticidade das antigüidades que usamos para facer estas xoias cumprimos un ríxido protocolo consistente en adquirilas soamente a anticuarios e numismáticos nacionais e internacionais moi recoñecidos, que teñan unha dilatada e intachable traxectoria profesional e nos que temos absoluta confianza

Hoxe en día pódense mercar moedas e obxetos antigos en internet, pero nunca usamos pezas adquiridas deste xeito, xa que non poderíamos ofrecer unha garantía total. O noso principal interés é que sempre se poida probar que a peza é xenuina é que non procede de expolio. Desta maneira, cando o cliente merca unha das nosas xoias, sabe que a súa inversión está asegurada e  revalorizaráse no futuro, porque contará cun certificado dun prestixioso profesional. Por isto é que traballamos cos mellores e máis fiables, ós que chegamos a coñecer despois de moitos anos de colaboración e seguimento.

Ademais as nosas xoias contan co selo de Galicia Calidade, entidade oficial que, mediante auditorías, só concede o seu aval os fabricantes que aportan as certificacións requeridas e comprométense a cumprir con altas esixencias de calidade nos seus productos.