Este colgante leva unha moeda de cobre chinesa acuñada durante a dinastía Song (1039-1054 d.C.). Esta dinastía está considerada un momento de gran esplendor cultural e tecnolóxico, durante a cal se deron fitos históricos como a invención do compás e o uso da pólvora.
A moeda mostra catro ideogramas que din “Huang Song Tong Bao”.
Todas as nosas antigüidades son xenuínas, nunca réplicas.Acompáñase do seu certificado de autenticidade e o seu estado de conservación é excelente. No noso taller deseñámoslle unha fermosa montura en ouro de 18K para protexela e realzar a súa beleza, converténdoa nunha xoia única e dándolle unha nova vida máis de 900 anos despois de que fose creada.
Diámetro da moeda: 26 mm
Colgante para home ou muller.
A cadea de bolitas non está incluída no prezo, pode adquirirse por separado: cadea de ouro
Queda igualmente moi ben cun cordón de coiro con remates e peche de ouro (dispoñible en negro, marrón e burdeos): cordón de coiro
Posuír unha antigüidade, un obxecto que forma parte da Historia, produce unha sensación especial: preguntámonos a quen pertencería, como serían os tempos nos que viviu o seu primeiro dono, como sería a súa vida...
A Colección Antiques está formada por antigüidades xenuínas para as que deseñamos monturas de ouro que as converten, sen alteralas, en xoias únicas e exclusivas: nunca hai dous iguais.
Ademais de por a súa beleza e contido histórico, tanto o obxecto antigo como o ouro revalorizaranse co paso do tempo, pero sobre todo, esta xoia formará parte da túa propia historia para sempre.
Sobre as antigüidades: para garantir a súa absoluta autenticidade, adquirímolas soamente aos anticuarios nacionais e internacionais máis recoñecidos, seguindo un ríxido protocolo: ler máis sobre os Certificados de Autenticidade.
As nosas xoias contan co selo Galicia Calidade.
