Os escaravellos (ou escarabeos) eran amuletos moi comúns no Antigo Exipto, xa que simbolizaban a renovación da vida. Xeperi, o deus escaravello, representaba o Sol nacente e en vida proporcionaba protección contra todo mal. Na morte, era imprescindible levalo para poder acadar a vida eterna. Na parte traseira adoitaban ter gravada unha oración, nomes ou figuras animais ou xeométricas.
Este amuleto procede do segundo período intermedio, está datado entre os anos 1782 e 1500 antes de Cristo, durante a dominación dos hicsos. Conserva o perfilado das formas do escaravello, ademais do tallado das patas e a cabeza. Está realizado en esteatita e na parte posterior presenta un gravado con varias figuras antropomorfas.
Foi adquirido a un prestixioso anticuario e entrégase co seu certificado de autenticidade. As nosas antigüidades son sempre auténticas, nunca réplicas.
No noso obradoiro deseñamos unha fermosa montura en ouro de 18K cunha esmeralda auténtica para realzar a súa beleza, converténdoo nunha xoia única e dándolle unha nova vida 3000 anos despois de ser creado. Deste xeito, unimos o noso traballo ao do artesán que realizou o amuleto hai tantos séculos. Esta é unha peza excepcional pola súa delicadeza e estado de conservación.
A argola do colgante é xiratoria para poder lucilo por ambos lados.
Medidas:
Amuleto: 1,8 x 1,4 cm. Estado de conservación: moi bo.
Esmeralda: 2,5 mm, talla cabuchón.
A cadea de ouro pode adquirirse por separado: cadea de ouro.
Queda igualmente moi ben cun cordón de coiro (dispoñible en negro, marrón e burdeos): cordón de coiro.
Posuír unha antigüidade, un obxecto que forma parte da Historia, produce unha sensación especial: preguntámonos a quen pertencera, como serían os tempos nos que viviu o seu primeiro dono, como sería a súa vida...
A Colección Antiques está formada por antigüidades auténticas para as que deseñamos monturas de ouro que as converten, sen alteralas, en xoias únicas e exclusivas: nunca hai dúas iguais.
Ademais, pola súa beleza e contido histórico, tanto o obxecto antigo como o ouro revalorizaranse co paso do tempo, pero sobre todo, esta xoia formará parte da túa propia historia para sempre.
Sobre as antigüidades: Para garantir a súa absoluta autenticidade, adquirímolas unicamente aos anticuarios nacionais e internacionais máis recoñecidos, seguindo un rigoroso protocolo: ler máis sobre os Certificados de Autenticidade.
